Lionel Messinin “instaqram” sosial şəbəkəsində abunəçilərinin sayı 500 milyona çatıb.

“İnter Mayami”nin futbolçusu dünyada buna nail olan ikinci şəxsdi.

36 yaşlı futbolçu hazırda bu göstəriciyə əsasən 622 milyon istifadəçinin izlədiyi “Əl-Nəssr”in hücumçusu Kriştiano Ronaldodan geri qalır. Sosial şəbəkədə ən populyar ulduzların siyahısında Messidən sonrakı yerləri müğənni Selena Qomes (429 milyon), model Kayli Cenner (400 milyon) və aktyor Dueyn Conson (396 milyon) tutub.

Messi ötən ilin yayından “İnter Mayami”də çıxış edir. Dünya çempionu ötən mövsüm ABŞ klubunun heyətində bütün turnirlərdə 14 oyuna çıxıb, 11 qol vurub və 5 məhsuldar ötürmə verib. Lionelin bu mövsüm 2 oyunda 1 qol vurub 1 məhsuldar ötürmə etdiyini də bildirək.