"Bayer-04" - "Qarabağ" oyununun biletləri satışa çıxarılır

Almaniyada yerli "Bayer-04" və "Qarabağ" arasında keçiriləcək Avropa Liqasının 1/8 final mərhələsinin cavab oyunu üçün biletlərin satışa çıxarılacağı vaxt bəlli olub.

"Football-plus.az" xəbər verir ki, biletlər sabah, yerli vaxtla saat 12.00-da onlayn qaydada və "Bay Arena"dakı fan-şopda satışa çıxarılacaq.

İlk olaraq klub üzvləri və abunəçilər bu fürsətdən yararlana biləcək. Qiymətlər 8-50 avro aralığındadı.

Qeyd edək ki, martın 14-də reallaşacaq "Bayer-04" - "Qarabağ" matçı Bakı vaxtı ilə saat 00.00-da start götürəcək. İlk görüş isə martın 7-də Tofiq Bəhramov adına Respublika stadionunda gerçəkləşəcək.