''Fənərbaxça'' dünən Türkiyə çempionatının 27-ci turunda ''Kasımpaşa'' ilə ev oyununda çətin qələbə qazanaraq liderliyə yüksəldi.

"Football-plus.az" xəbər verir ki, ''Sparta''ya uduzmaqla avrokuboklarda mübarizəni dayandıran ''Qalatasaray'' isə bu turun oyununu sabah evdə ''Antalyaspor''a qarşı keçirəcək. ''Cim-Bom'' liderliyi qaytarmaq üçün hökmən qalib gəlməlidi. Bu arada ''sarı-qırmızılar''ın baş məşqçisi Okan Burukun ''Antalyaspor''a qarşı maraqlı seriyası var. Belə ki, Buruk indiyə qədər ''Elazığspor'', ''Akhisarspor'', ''Çaykur Rizəspor'', ''İstanbul BŞ'' və ''Qalatasaray''ın başında bu komandaya qarşı keçirdiyi 11 oyunun heç birində məğlubiyyət acısı yaşamayıb (8 qələbə, 3 heç-heçə)! Amma digər tərəfdən Burukun antalyalıları çalışdıran Sərgən Yalçına qarşı isə göstəriciləri o qədər də ürəkaçan deyil (7 oyun, 1 qələbə, 2 heç-heçə, 4 məğlubiyyət).

ƏLİ