"Ponomaryovun oynatdığı oyundan, təbii ki, razıyıq"
“Sabah” Murad Musayevin istefasından sonra keçirdiyi 4 oyunun heç birində məğlub olmayıb.
Son turda da “Kəpəz” üzərində qazanılan əzmkar qələbə komandanın artıq yüksəlişə doğru getdiyini göstərir. Bəs bu nəticə azarkeşləri qane edirmi? Artıq onlar İqor Ponomaryova güvənməyə başlayıbmı? Bu suallara cavab tapmaq üçün “Soldati di Sabah” azarkeş qrupunun rəhbəri Ağaxan Abdullayevlə danışdıq:
“Ponomaryova güvən məsələsinə gəlincə, hələ də klubumuzun başında rəsmi şəkildə bir baş məşqçi yoxdu. Biz “Soldati di Sabah” olaraq, Ponomaryovun oynatdığı oyundan, təbii ki, razıyıq. Ancaq rəsmən baş məşqçi təyin edilənə qədər gözləməliyik”.
Qrup rəhbərindən eyni zamanda “Soldati di Sabah”ın pankartının son turda yalnız 10-cu dəqiqədə açılmasının da səbəbini soruşduq:
“Pankartın gec açılması hava şəraitinə görə idi, bəzi düzəlişlər ediləndən sonra açılmalıydı. Buna görə bir qədər gecikdik”.
KAMAL SƏFƏR
Digər xəbərlər
