"Sabah"ın azarkeşləri arasında nə baş verib? - AÇIQLAMA
Dünən Misli premyer-liqasının 2-ci turunun açılış oyunu olan "Zirə" - "Sabah" matçında maraqlı hadisə yaşandı.
Belə ki, "Dalğa Arena"ya qonaq komandanın azsaylı azarkeşləri "Soldatı di Sabah" plakatı ilə təşrif buyurmuşdu. 1-ci hissənin gedişində isə daha bir qrup Mərdəkana gəldi. Azarkeşlər eyni sektorda əyləşsə də, ayrı-ayrılıqda komandaya dəstək verdi.
"Football-plus.az" saytı olaraq klubun mətbuat katibi Elnur Həmidovla əlaqə saxlayıb bu soyuqluğun səbəbini soruşduq:
"Bizim əsas azarkeş qrupumuz "Soldatı di Sabah"dı. Onlar fanklub kimi fəaliyyət göstərir və ötən mövsümün əvvəlindən qeyd etdiyim adla çıxış edir. O adı seçməkləri də özlərinin təşəbbüsləridi. Fanklunun özəyini əsasən tələbələr təşkil edir. Qalan fanatlarımız masazırlı azarkeşlərdi. Onlar fanklub kimi fəaliyyət göstərmir və komandamızın oyunlarına sərbəst şəkildə gəlir. Azarkeş qruplarımız arasında heç bir soyuqluq yoxdu. Sadəcə, hər ikisi ayrılıqda komandaya dəstək olur".
ABDULLA İSMAYILOĞLU
Digər xəbərlər
