"Qarabağ"ın mərhələ adlamasına qərəzli hakimlik mane törətməyə çalışa bilər. Bunu 10 il əvvəl Zelinkanın timsalında görmüşük. "Qarabağ" gərək "Braqa" ilə yanaşı, hakimləri də udmağa hazır olsun. 2022-ci ilin fevralında, Avropa Liqasının bu mərhələsində "Braqa" ilk oyunda 2 top fərqlə uduzduğu "Şerif"ə evdə cavab matçında eyni hesabla - 2:0 qalib gələrək penalti seriyasında mərhələ keçmişdi. İndi zərrəcə şübhəm yox ki, eyni ssenari yaşanmayacaq. Məncə, "Qarabağ"ın 1/8 finala yüksəlməsinə heç nə mane olmayacaq. Əksinə, Bakıda da qalib gəlsək, təəccüblənməyəcəm. Bu, Ağdam klubunun yox, "Qarabağ"ın uğurudu. Başqaları kimi, "Qarabağ"ın da akademiyası bərbad durumdadı. Bir futbolçu da yetişmir ki, belə oyunlarda "Qarabağ"ın yetirməsini görək. Aşağı-yuxarı bütün klublarımız bir-birinə bənzəyir. Düzdü, Tahir Gözəl yaxınlarda media qarşısında söz verdi ki, bundan sonra ilk işi akademiya qurmaq və uşaq futbolunu inkişaf etdirmək olacaq".