“Maraqlı turnirdi və çox yaxşı milli komandalar var. Bu gün bizə belə tunirlər lazımdı. Nə qədər çox olarsa, bir o qədər yaxşı olar. Həm uşaqlar təcrübə qazanar, həm də inkişaf edər. Məğlubiyyəti sırf uşaqların təcrübəsizliyi ilə əlaqələndirmək olar. Bildiyiniz kimi, Belarus millisi bizdən bir yaş böyükdü. Buna görə də həm boy, həm də fiziki cəhətdən bizdən üstün idilər. Uşaqlar, demək olar ki, birinci qoldan sonra özlərinə gəldilər. Ümumiyyətlə, komandanın döyüşkənliyi xoşuma gəldi. Amma görüləsi iş hələ çoxdu. Hələ ki ilk qarşılaşma idi. Oyunçularımda hələ uyğunlaşma gedir. Öz üzərlərində çalışırlar, istəklidilər. Xaricdən cəlb edilən azərbaycanlı futbolçulara gəlincə, növbəti oyunlarda uşaqlara diqqətlə baxılacaq və təhlil ediləcək. Ümid edirik ki, komandaya tez uyğunlaşacaq, yaxşı performans sərgiləyəcəklər”.

“Oyunarına baxmışıq. Özbəkistanla oyunları 2:2 bitdi. Maraqlı və aqressiv komandadı. Sıx qrafik üzrə oynamaq bizim üçün çox ağırdı. Uşaqlar fiziki duruma görə çətinlik çəkir. Amma ümid edirəm ki, yaxşı oyun nümayiş etdirəcəyik”.