“Regionlarda aşağı yaş qruplarının oyunları keçirlir. Burda keçirldiyi üçün hamısı bir stadionda birləşir və oynayır. Şirvan-Mərkəz regionunda bir qrup buna qədər həmişə Ağsu stadionunda oyunlarını keçirirdilər. Ağsu stadionu təmirə bağlandıqdan sonra həmin qrupun oyunlarını bizə keçirdilər. Beləliklə, bazar günləri aşağı yaş qrupları yığışır və çempionat keçirilir. Meydanın xətlənməsi bununla bağlıdı. U-13 liqasında bütün meydan boyunca oynayırlar. U-10, U-11, U-12 meydanın yarısında və ya dörddəbir hissəsində oynayırlar. “Araz Saatlı” – “Zaqatala” oynunda da eyni mənzərə idi. “Difai Ağsu” oyunlarını öz stadionunda keçirəndə onlarda da xətlənmə var idi. Biz də istəmərik ki, belə xətlər olsun. Əlbəttə, vizual baxımdan problem yaradır. Amma neynəyə bilərik? AFFA təyin edib ki, zonanın oyunları bizim stadionda keçirilsin. Açığını desəm, mən hələ ki futbolçularımızdan şikayət eşitməmişəm. Hakimlər də iddia etməyib ki, əlavə xətlər maneə törədir. Ağsu stadionunda təmir bitənə kimi dözməli olacağıq”.