"Bakıdakı oyundan da qələbə gözləyirəm" - Emrah Çelikel
"Qarabağ"ın direktoru Emrah Çelikel Avropa Liqasının pley-off mərhələsində səfərdə "Braqa"ya qalib gəldikləri oyunla bağlı təəssüratlarını bölüşüb.
"Football-plus.az" xəbər verir ki, o, Portuqaliya klubunu səfərdə belə hesabla məğlub etməyin gözəl nəticə olduğunu bildirib:
"Çox sevincliyik, gözəl nəticədi. Səfərdə 4:2 hesablı qələbə hamımızın ürəyincə oldu. Bundan sonra təmkinli, diqqətli olmalıyıq. Cavab matçında daha çox dəstək lazımdı. Bu gün sevincliyik, amma sabahdan hazırlıqlara başlamalıyıq".
Çelikel komandalar arasında Bakıda keçiriləcək cavab oyununun daha çətin olcağını qeyd edib:
"Artıq komandalar bir-birini tanıyır. Qurban müəllim indi daha məlumatlıdır. Onu bilirəm ki, təmkinli olmalıyıq. Bakıdakı oyundan da qələbə gözləyirəm, bunu arzulayırıq və istəyirik. Hamı kimi əlimizdən gələni edəcəyik".
Qeyd edək ki, "Qarabağ" ilə "Braqa" arasındakı cavab görüşü fevralın 22-də Bakıda olacaq.
Digər xəbərlər
