Cümə axşamı Azərbaycan futbol tarixi üçün əlahiddə gündü.

Məhz həmin gün “Qarabağ” Avropa Liqasında ilk dəfə pley-off oyununa çıxacaq. Peşəkar Futbol Liqası isə Misli ilə birgə bu günü daha da gözəlləşdirmək istəyir. “Qarabağ”ın “Braqa” ilə keçirəcəyi səfər oyunu böyük ekranda yayınlanacaq. Fevralın 15-i, saat 00.00-da start götürəcək oyun qonaqlara 28 MALL ticarət mərkəzində yerləşən kino zallarından birində, daha dəqiqi, “Rabitəbank”da təqdim olunacaq. Dəvətlilər arasında AFFA, PFL rəsmiləri, futbol veteranları, premyer liqa, 1-ci və 2-ci liqa klublarının rəsmiləri, idman mediasının əməkdaşları və bir çox xüsusi qonaq yer alacaq. Ümumilikdə 150 nəfərin “Qarabağ” adına bir araya gələcəyi gözlənilir. Azərbaycan həmin gün yalnız və yalnız “Qarabağ”a azarkeşlik edəcək. Komandanın üzərinə düşən yaşıl meydanda bu inamı doğrultmaqdı.

GÜNAY SÜLEYMANOVA