Cennaro Qattuzo ilə bağlı maraqlı xəbər yayılıb.

“Ekip” qəzeti İtaliyada onun ailəsinin hədə-qorxuya məruz qaldığını yazıb.

“Marsel”in baş məşqçisinin ailəsi İtaliyada Kalabriya mafiyası tərəfindən təhdid edilir. Xəbərdə bildirilir ki, Qattuzonun atası sahib olduğu torpaq sahəsində müəyyən avadanlıqlar quraşdırmağı planlaşdırıb, bu layihə üçün 80 min avro maliyyə əldə edib. Lakin yerli mafiya Qattuzo ailəsindən pul tələb edir. Onlar məşqçinin qızının avtomobilini iki dəfə yandıraraq pul almaq üçün ailəyə təzyiq ediblər. Cennaronun atası isə bir müddət əvvəl polisə müraciət edib və araşdırma başlayıb. Hazırda bu məsələ ilə bağlı iki nəfərin saxlanıldığı da bildirilir.