"Sözün düzü, işin içində olmadığıma görə dəqiq məlumat verə bilməyəcəm. Eşitdiyimə görə, "Qarabağ" Andrade ilə müqavilə müddətini ötən yay uzatmağı planlaşdırırdı. Nəhayət, danışıqlar bugünlərdə müsbət yöndə yekunlaşıb. Ümumiyyətlə, bu addımın məhz Çin klubundan gələn təkliflə əlaqələndirilməsi düzgün deyil. O, Ağdam təmsilçisi üçün əhəmiyyətli futbolçu olduğundan proseslər belə tamamlandı. Yeni müqavilənin imzalanması oyunçunun satılmaması demək deyil. Ola bilər ki, "Qarabağ" onu bir müddət sonra daha aşağı və ya daha çox pul qarşılığında başqa kluba satsın. Bu, məhz həmin anda vacib rol oynayan məqamlardan asılı olacaq. Yəqin ki, Andradenin maaşı da artırılıb. Yoxsa özü də buna razı olmaya bilərdi. Onsuz da Qurban Qurbanovun ona ümidləri çoxdu. Belədə "köhlən atlar"ın futbolçunun qarşılığıda daha böyük məbləğ tələb etməsi də tam qanunauyğun olacaq".