"Bu durumda Mitevin işinə köklənməsi çətin olacaqdı"
"Sabah" basketbol klubu baş məşqçisi Boban Mitvlə yollarını ayırdı.
Görəsən, Şimali Makedoniyadan olan mütəxəssisin komandadan ayrılmasının səbəbi nədir? “Football-plus.az”ın bu sualını "tələbələr"in mətbuat xidmətinin rəhbəri Kənan Hakimov cavabladı:
"Boban Mitev ailə vəziyyəti üzündən komandadan ayrılmaq istədiyini rəhbərliyə bildirdi. Bu durumda çalışdırıcının işinə köklənməsi çətin olacaqdı. Biz də onun fikrini anlayışla qarşıladıq və müqaviləyə xitam verdik. "Sabah"ı növbəti oyunlara köməkçi məşqçi Nikolo Bozinovski çıxaracaq".
Qeyd edək ki, “Sabah” Azərbaycan basketbol tarixində ilk dəfə FIBA Avropa kubokunun əsas mərhələsinə məhz Mitevin rəhbərliyi altında vəsiqə qazanmışdı.
GÜNAY SÜLEYMANOVA
Digər xəbərlər
