Yanvarın 28-də Qətərdə start götürən 18-ci Asiya Kubokunun (AK) pley-offa mərhələsinə start verildi.

"Football-plus.az" xəbər verir ki, 1/8 finalın ilk oyun günündə Avstraliya və Tacikistan yığmaları 1/4 finalda oynamaq hüququ qazandı.

1/8 final
Avstraliya – İndoneziya 4:0
Beqqott, 12-öz qapısına. Boyl, 45. Qudvin, 89. Suttar, 90+1.
Avstraliya: Rayan, Cons (Atkinson, 69), Suttar, Roulz, Behiç, Makqri (Metkalf, 61), Bakkus (Qudvin, 87), İrvin, Boyl, Fornaroli (Dyuk, 61), Bos (O’Nil, 87).
İndoneziya: Ari, Beqqott, Amat, Uolş, Hübher, Cenner, Pattinama, Manqkualam (Sualeman, 58), Ferdinan, Streyk, Sayuri (Ridho, 75).
Avstraliya favorit statusunu İndoneziya ilə oyunda doğrultdu. Qrehem Arnoldun çalışdırdığı komanda tarixində ilk dəfə pley-offda iştirak edən rəqibini 4:0 hesabı ilə darmadağın etdi.
Tacikistan – BƏƏ 1:1, p. – 5:3
Xanonov, 30 – Əl-Hammadi, 90+5.
Tacikistan: Yatimov, Curabayev, Safarov, Xanonov, Nazarov, Pançşanbe, Mabatşoyev (Raximov, 85), Şukurov, Umarboyev (Davlatmir, 85), Calilov (Hamrokulov, 72), Samiyev (Soirov, 72).
BƏƏ: Eysa, Əl-Hammadi, Sultan (İbrahim, 61), Haşemi (İdris, 46), Abeləziz, Əl-Zahabi (Salmin, 91), Nader (Rəşid, 73), Ramadan (Həməd, 16/Saleh, 61), Əl-Qassani, Lima, Kanedo.
Bazar günü keçirilən digər matçda Tacikistan Birləşmiş Ərəb Əmirliklərinə qalib gəldi. Xanonovun 30-cu dəqiqədə vurduğu qol postsovet məkanından olan komandanın uzun müddət hesabda öndə olmasını təmin etsə də, müdafiəçi Əl-Hammadinin 90+5-ci dəqiqədəki dəqiq zərbəsi mübarizənin əlavə vaxta qədər uzanmasına səbəb oldu. 30 dəqiqəlik zaman kəsiyində qol vurulmayınca, penalti seriyası qaçılmaz oldu. Bu sınaqdan qalib çıxan debütant Tacikistan yığması ilk dəfə 1/4 finala vəsiqə qazandı.
İraq – İordaniya 2:3
Natik, 68. Huseyn, 76 – Əl-Naymat, 45+1. Əl-Ərəb, 90+5. Əl-Raşdan, 90+7.
Qətər – Fələstin 2:1
Əl-Haydos, 45+6. Afif, 49-p. – Dabbaq, 37.
Özbəkistan – Tayland, Səudiyyə Ərəbistanı – Koreya oyunları bu gün, Bəhreyn – Yaponiya, İran – Suriya oyunları isə sabah keçiriləcək.