Yeniyetmə boksçulardan ibarət Tacikistan millisi Azərbaycanda səfərdədir.

"Football-plus.az" federasiyanın rəsmi saytına istinadən xəbər verir ki, qonaqlar Bakı Boks Mərkəzində yığma komandamızla birgə hazırlıq keçirlər.

Tacikistan boksçuları məşq çərçivəsində Azərbaycan millisinin üzvləri ilə sınaq döyüşlərində də güclərini yoxlayıblar.

Tacikistan yığmasının baş məşqçisi Xurşid Abdulloev ölkəmizdə onlara göstərilən qonaqpərvərlikdən razı qaldığını vurğulayıb. Onun sözlərinə görə, Azərbaycana səfər və buradakı yoldaşlıq döyüşləri komandasında yer alan yeniyetmə boksçulara təcrübə baxımından çox faydalı olacaq.