Bakı şəhər Gənclər və İdman Baş İdarəsi tərəfindən Respublika Atıcılıq Mərkəzində 20 yaşadək gənclər arasında güllə atıcılığı üzrə paytaxt çempionatı keçirilib. Oğlanlar arasında keçirilən pnevmatik tapançadan atəşaçmada İmran Qarayev 563 xal toplayaraq 1-ci yeri tutub. Vladislav Kalmıkov (534) ikinci, Tamerlan Əliyev (529) isə üçüncü olub. Qızlar arasında müvafiq yarışda ilk “3-lük”də uyğun olaraq Nəzrin Abbaslı (529), Zeynəb Abasova (523) və Fatimə Rzayeva (502) yer alıb. Pnevmatik tüfəngdən atəşaçmada oğlanlar arasında Ramiz Xəlilov (569,2) qızıl, Camal Nəcəfli (554) gümüş, Murad Əhmədli (508,8) isə bürünc medal qazanıb. Qızlar arasında Nəzrin Salamzadə (594,7) fəxri kürsünün ən yüksək pilləsinə qalxıb. Onun ən yaxın izləyiciləri Rübabə Quluzadə (591,6) və Zibeydə Hacıyeva (513,9) olub.