“Bəzi ev oyunlarımızda azarkeşlər üçün fanzona təşkil edilir. Yəni bu ilk dəfə deyildi, əvvəl də bəzən olmuşdu. Bu istiqamətdə ilk "Araz-Naxçıvan"la oyunda yaşanmışdı . Fanzonanın təşkilində məqsəd azarkeşləri çempionat oyunlarına, stadionlara cəlb etmək, onlarda yerli futbola maraq yaratmaqdı. Stadiona gələn tamaşaçılar üçün stolüstü futbol, "subsoccer", viktorina, əyləncəli oyunlar təşkil edilir, müxtəlif hədiyyələr verilir. Hədiyyələr sırasına müxtəlif atributlar - şərf, azarkeş forması, vımpel, açarlıq və s. daxildi. Viktorinada klubun oyunları, futbolçuları barədə müxtəlif sadə suallar verilir. Gələcəkdə belə tədbirlərin müntəzəm təşkili nəzərdə tutulub. Ümumiyyətlə, klub olaraq, stadiona gələn azarkeşlər üçün yaxşı şərait yaradılması, həmçinin onların asudə vaxtını əyləncəli keçirməsi üçün gələcəkdə başqa işlər də planlaşdırılır. Bura, sadəcə, əyləncəli oyunlar daxil deyil. Həmçinin azarkeşlər üçün rahat şəraitin yaradılması da daxildi. Məsələn, "Neftçi" ilə son ev oyunumuzda soyuq havaya görə azarkeşlərə pulsuz çay paylandı. Gələcəkdə bənzər tədbirlərin, fəaliyyətlərin davam etdirilməsi nəzərdə tutulub. Əsas odu ki, adamlar yerli futbola maraq göstərsin, onlarda stadiona gəlmək vərdişi yaransın”.