“Sabah”ın titul sponsoru “Bank Respublika” klubun azarkeşlərinə jest edib.

Bank, klubun oyunlarına mütəmadi gələn bəzi azarkeşlərə müxtəlif hədiyyələr təqdim edib.

“Sabah” premyer-liqa klubları arasında ev oyunlarına ən çox azarkeş gələn klublardandı. Belə ki, ev oyunlarına gələn tamaşaçı sayına görə “tələbələr” hazırda yüksək liqa təmsilçiləri arasında ilk üçlükdə yer alıb. Son oyunlarda klubun azarkeşləri həyata keçirdikləri müxtəlif fəaliyyətləri ilə də diqqət mərkəzinə düşüblər.