MHL-də keçirilən oyunlarla bağlı bəzi maraqlı statistik məqamlar var.

"Football-plus.az" xəbər verir ki, “Vaşinqton”la ev oyununda qol vuran “Kolorado”nun hücumçusu Neytan Makkinnon özünəməxsus seriyanı davam etdirdi. 28 yaşlı kanadalı 2023/24 mövsümünün ev oyunlarının hər birində məhsuldar hərəkətlə yadda qalıb. O, arıdıcl 24-cü oyunda da xal qazanmaqla yeni klub rekordu müəyyənləşdirdi. Buna qədər ən yaxşı göstərici Co Sakikə məxsus idi. O, 2000/01 mövsümündə “Kolorado”nun ardıcıl 23 ev oyununda xal toplamışdı. Makkinnon cari mövsümdə keçirdiyi 48 oyunda 27 qol vurub, 51 məhsuldar ötürmə verib, yəni 78 xalı var.

Anje Kopitar da həmin gün MHL-in ardıcıl 18-ci mövsümündə 40 xal həddinə çatdı. “Los-Anceles”in sloveniyalı ulduzu “Baffalo” ilə oyunda qol vurdu. O, cari mövsündə keçirdiyi 45 oyunda 40 (15+25) xal toplayıb. Kopitar fəaliyyətdə olan hokkeyçilər arasında MHL-in ardıcıl 18 mövsümündə ən azı 40 xal toplayan 2-ci oyunçudu. Ona qədər “Vaşinqton”dan Aleksandr Oveçkin də belə nəticə göstərib. Amma rusiyalı ulduz cari mövsümdə keçirdiyi 43 oyunda cəmi 29 (8+21) xal toplayıb.

“Florida”nı çalışdıran Pol Moris MHL-də baş məşqçi statusunda 1813-cü oyuna çıxdı. “Panterz” bu oyunda evdə “Arizona”ya 6:2 hesabıyla qalib gəldi. Barri Trotsu (1812) arxada qoyan Moris MHL tarixində məşqçilər arasında 2-ci pilləyə yüksəldi. Bu göstəricidə MHL rekordu Skotti Boumenə (2141) məxsusdu. Məşqçi karyerasına 1995/96 mövsümündə başlayan Moris “Florido” ilə yanaşı, “Hartford”, “Karolina”, “Toronto” və “Vinnipeq”in də “sükanı arxasında” olub.

Dünən evdə “Çikaqo”nu “quru” hesabla məğlub edən “Edmonton” ardıcıl qələbələrinin sayını 15-ə çatdırdı.

25 yanvar
Toronto – Vinnipeq 1:0 ОТ (0:0, 0:0, 0:0, 1:0)
Florida – Arizona 6:2 (3:0, 2:0, 1:2)
Boston – Karolina 2:3 (0:1, 0:1, 2:1)
Kolorado – Vaşinqton 6:2 (1:0, 3:0, 2:2)
Vankuver – Sent-Luis 3:4 ОТ (0:2, 0:0, 3:1, 0:1)
Sietl – Çikaqo 6:2 (2:1, 2:0, 2:1)
Los-Anceles – Baffalo 3:5 (3:1, 0:2, 0:2)
26 yanvar
Detroyt – Filadelfiya 3:0 (0:0, 3:0, 0:0)
Karolina – Nyu-Cersi 3:2 (1:0, 2:0, 0:2)
Monreal – Aylenders 4:3 (3:0, 0:1, 1:2)
Ottava – Boston 2:3 ОТ (0:1, 1:1, 1:0, 0:1)
Tampa-Bey – Arizona 6:3 (2:1, 3:1, 1:1)
Dallas – Anahaym 4:3 ОТ (1:1, 1:1, 1:1, 1:0)
Minnesota – Neşvill 2:3 (0:0, 1:0, 1:3)
Kalqari – Kolambus 2:5 (2:2, 0:1, 0:2)
Edmonton – Çikaqo 3:0 (0:0, 1:0, 2:0)