Ançelottinin başçılığı altında oynamış ən yaxşı futbolçu kimdi?
Adını həm ''Real''ın, həm də dünya futbolunun tarixinə yazdıran Karlo Ançelotti maraqlı bir açıqlama verib.
Təcrübəli mütəxəssis Madrid nəhəngindən başqa ''Yuventus'', ''Milan'', ''Çelsi'', PSJ, ''Bavariya'', kimi nəhəngləri çalışdırıb. Ançelotti rəhbərliyi altında oynamış ən güclü futbolçunun fransalı əfsanə Zinəddin Zidanın olduğunu bildirib:
''Zidan mənim başçılığım altında oynamış futbolçular arasında ən güclüsüdü. Meydanda inanılmaz şeylər edirdi. Onun eyni zamanda köməkçi kimi də mənə böyük faydası dəyib. Mən ilk dəfə İspaniyaya gələndə müəyyən problemlər yaşamışdım. Zidan mənə çox kömək etmişdi. Onun sayəsində ''Real''ın fransalı futbolçuları ilə münasibətdə balans tapa, eyni zamanda İspaniya mədəniyyətinə və dilinə də uyğunlaşa bildim. Zidan həqiqətən də mənim üçün çox işlər görüb''.
Zidan 1999/00-də ''Yuventus''da forma geyərkən Ançelottinin başçılığı altında oynayıb. 2013/14-də isə Zidan ''Real''da Ançelottinin köməkçisi olarkən komanda həmin mövsüm Çempionlar Liqasını qazanmağı bacarmışdı. Qeyd edək, italiyalı çalışdırıcı ən son ''Real'' ilə İspaniya superkubokunu qazandı. Bununla da Ançelotti ''Kral klubu''nda 11-ci titulunu qazanaraq bu göstəricidə klub tarixində 2-ci pillədə qərarlaşan Zidana çatdı.
ƏLİ
Digər xəbərlər
