Corco Kyellini futbolçu karyerasını başa vursa da, bu sahəni tərk etməyib.

"Football-plus.az" xəbər verir ki, o, bundan sonra məşqçi sahəsində gücünü sınayacaq.

İtaliya millisinin sabiq müdafiəçisi “Los Anceles”in akademiyasında məşqçilik edəcək. ABŞ klubunun mətbuat xidmətinin məlumatında onun yeniyetmə oyunçuların inkişafı üzrə məşqçi vəzifəsinə təyin edildiyi bildirilib.

Xatırladaq ki, 39 yaşlı Kyellini “Los Anceles”ə 2022-ci ilin iyununda “Yuventus”dan keçmişdi. Onun komandası MLS-in finalına qədər irəliləmiş və mövsümün gümüş mükafatçısı olmuşdu. 2023-cü ilin dekabrında futbolçu karyerasını başa vurduğunu açıqlayan Corconun karyerasında ən yüksək titulun İtaliya yığması ilə AÇ-2020-in çempionu olduğunu da bildirək.