Corco Kyellini tezliklə “Yuventus”u tərk edəcək.

O, bu haqda İtaliya kubokunun “İnter” ilə final matçından (2:4) sonra özü məlumat verib. 37 yaşlı futbolçu qərarı könüllü şəkildə verdiyini bildirib. AÇ-2020-nin qalibi bazar ertəsi sonuncu dəfə “Yuventus”un ev oyununa çıxacağını və azarkeşlərlə vidalaşacağını deyib. Turin klubunda 2005-ci ildən oynayan müdafiəçi 9 dəfə ölkə çempionluğunu, 5 dəfə ölkə superkubokunu və 5 dəfə İtaliya superkubokunu qazanıb.

Son xəbərlərdə Kyellininin karyerasını Amerikada davam etdirə biləcəyi vurğulanır. Nikolo Skira onun artıq “Los Anceles Qalaksi” ilə danışıqlara başladığını bildirib. Tanınmış jurnalist Corconun bu klubla müqaviləsinin 2023-cü ilin sonuna qədər nəzərdə tutulacağını da əlavə edib.