Qavinin səhhəti ilə bağlı növbəti məlumat yayılıb.

"Football-plus.az" xəbər verir ki, onun səhhəti getdikcə yaxşılaşır, lakin…

“Barselona”nın gənc futbolçusu bu yay Almaniyada təşkil ediləcək Avropa çempionatında İspaniya yığmasına kömək edə bilməyəcək. Yerli mənbələrin xəbərinə görə, hazırda zədəli olan futbolçunun sağalma prosesi gözlənildiyindən qat-qat yaxşı gedir. “Barselona”nın tibbi xidməti və fizioterapevtləri, həmçinin İspaniya Futbol Federasiyasının həkimləri prosesi yaxından izləyirlər. Futbolçunun gələn ay nisbətən böyük intensivliklə məşqlərə başlayacağı ehtimal olunu. Klubunun müvafiq işçilərinin hesablamalarına görə, Qavinin bu ritmdə komandaya iyun ayında qayıtması gözlənilir. Lakin o, AÇ-2024-ün final mərhələsində iştirak edə bilməyəcək. Federasiyanın rəhbərliyi, həmçinin milli komandanın məşqçilər korpusu onun səhhəti ilə bağlı risk etmək istəmir.
Xatırladaq ki, yarımmüdafiəçi Avropa çempionatının seçmə mərhələsinin ötən il noyabrın 19-da keçirilən İspaniya - Gürcüstan matçında (3:1) zədələnmişdi. O, cari mövsümdə “Barselona”nın heyətində 15 oyunda meydana çıxıb.