“Həm səhvlərimizə, həm də hakim qərəzinə görə alınmadı” – tovuzluların vitse-kapitanı
Premyer-liqada ilk yarı başa çatdı.
"Turan Tovuz" qış fasiləsinə 7-ci yerdə yollandı. Hansı ki çoxları "boz qurd"un daha yuxarı pillələrdə qərarlaşacağını gözləyirdi. Komandanın ilk yarıdakı çıxışını qiymətləndirməsi üçün bölgə təmsilçisinin müdafiəçisi Şəhriyar Əliyevə müraciət etdik. Vitse-kapitan "Football-plus.az" saytı üçün bunları dedi:
"Hesab edirəm ki, çempionatın 1-ci yarısınnda pis çıxış etmədik. Yeni yaranan komanda olduğumuzu nəzərə alsaq, pillə-pillə inkişaf edirik. Düzdü, nəticələrimiz bir az da yaxşı ola bilərdi. Amma həm səhvlərimizə, həm də hakim qərəzinə görə alınmadı. Şükür, indiki nəticəmiz də ürəkaçandı. Hazırda əsas məqsəd fasilədən maksimum yararlanıb 2-ci yarıya daha yaxşı hazırlaşmaqdı. Artıq sabahdan hazırlığa start veririk".
Müdafiəçi öz çıxışına da toxundu:
"Hesab edirəm ki, çıxışım pis alınmadı. Zədə almasaydım, bəlkə bir qədər də yaxşı oynayardım. Amma belə alındı. Zədələrdən heç kim “sığortalanmayıb”. Şükürlər olsun ki, zədəm ciddi deyil. 2024-cü ilin özüm daxil komanda yoldaşlarım və çempionatımızın bütün futbolçuları üçün zədəsiz, xəstəliksiz, xata-bəlasız olmasını diləyirəm".
ABDULLA İSMAYILOĞLU
Digər xəbərlər
