Kepa Arrisabalaqanın məsələsinə aydınlıq gəlib.

"Football-plus.az" xəbər verir ki, o, Madridi yarım ildən sonra tərk edəcək.

“Real”ın qapıçısı icarə müddətini başa vurduqdan sonra məxsus olduğu “Çelsi”yə qayıdacaq. “AS” nəşrinin məlumatına görə, Madrid klubu 29 yaşlı futbolçunu almayacaq. Buna səbəb əsas qapıçı Tibo Kurtuanın yayda tam sağalacağı və ukraynalı Andrey Luninin bu mövsüm inamlı oyun sərgiləməsidi.
Xatırladaq ki, Arrisabalaqa bu mövsüm 15 oyun keçirib, 12 qol buraxıb və 7 oyunda qapısını toxunulmaz saxlayıb. Onun “Çelsi” ilə müqaviləsinin müddəti 2025-ci ilin yayına qədər nəzərdə tutulub.