“Məğlub olmağımız utancvericidi”
Misli premyer-liqasında 17-ci tura yekun vurulub.
“Football-plus.az” xəbər verir ki, “Qarabağ” “Neftçi”ni məğlub edib - 2:0. Oyundan sonra bakılıların çalışdırıcısı Adrian Mutunun mətbuat konfransı keçirilib. Sizi onun fikirləri ilə tanış edirik:
“Öncə, ağır qəzaya düşən Peşəkar Futbol Liqasının əməkdaşlarının tezliklə sağalmalarını arzulayıram və onlara şəfa diləyirəm. Çətin oyun idi, güclü rəqibə qarşı oynayırdıq. Futbolçularım meydanda komanda şəklində sona qədər əzmkar mübarizə aparmağa çalışdılar. Məğlub olmağımız utancvericidi. İstəyirdik ki, nəsə edək. Amma uduzduq”.
- Hər zaman deyirsiz ki, oyun çətin keçdi. "Neftçi" üçün bu çempionatda asan oyun olub?
- Bütün oyunlar çətindi.
- 19 yaşında bu stadionda qol vurmusuz. Yenidən Tofiq Bəhramov adına Respublika stadionuna gəldiz. Hansı hissləri keçirdiz?
- Yaxşı hisslərdi. Stadion dəyişib və indi daha gözəldi.
- Matçın 70-ci dəqiqəsində Höccət Haqverdini meydana buraxmağa hazırlaşırdız. "Neftçi" o qədər acizdi ki, 70-ci dəqiqədə beşli müdafiəyə keçməyi planlaşdırır?
- Beşli müdafiəyə keçmək strategiya idi. Amma keçmədik.
- Aaron Olanare "Neftçi"yə xeyir verəcək? Onu komandada müqaviləsinə görə saxlayırsız, yoxsa perspektiv vəd etdiyinə görə?
- Bu gün "Neftçi"də hücum xəttində nə qədər oyunçu varsa, hamısını meydana buraxmışdım. Hücumçularımdan daha yaxşısını gözləyirəm. Onlar irəlidə topu daha çox saxlamalıdılar ki, komandaya kömək olsunlar. Bu vəziyyətdən çıxış yolu tapmaq lazımdı. Olanarenin performansına gəlincə, söhbət təkcə ondan getmir. Ümumi hücumçulardan gedir. İstəyərdim ki, qollar vursunlar.
Digər xəbərlər
