Kiryos qadın tennisçilərlə mükafatın eyni olmasından narazıdı - “Mən 4 saat oynadım, Svitolina isə 40 dəqiqə”
Avstraliyalı tennisçi Nik Kiryos Peşəkar Tennisçilər Assosiasisiyası (ATP) ilə Qadınların Tennis Assosiasiyası (WTA) arasındakı mümkün birləşmə ilə bağlı şayiələr, həmçinin “Böyük dəbilqə” turnirlərində hər iki cinsin nümayəndələri üçün bərabər mükafat fondu haqda danışıb:
“Bu iki qurumu birləşdiriksə, torları da birləşdirək, hər şeyi də. Niyə yalnız tennisdə bu fikir camaatın ağlına gəlir? Qadın Basketbol Assosiasiyası MBA-ya birləşməyi təklif etsəydi, onlara gülərdilər... “Australian Open”də mən 4 saat oynadım, Svitolina isə məsələni 40 dəqiqəyə həll etdi və ikimizə də eyni pulu verdilər”.
Xatırladaq ki, kişi və qadın tennisçilərin mükafat fondunun eyniləşdirildiyi ilk “Böyük dəbilqə” seriyalı turnir 1973-cü ildə keçirilən “US Open” olub. Bu il isə qadınların və kişilərin fərdi yarışlarında qalib olanlar 3 milyon, finalçılar 1,5 milyon dollar qazanıb.
Digər xəbərlər
