Çempionlar Liqasının qrup mərhələsini məğlubiyyətlə başa vuran “Barselona”nın futbolçularına bəd xəbər çatdırılıb.

"Football-plus.az" xəbər verir ki, Belçikada “Antverp”ə uduzan (2:3) komandanın halına acımamaq olmur.

“Mundo Deportivo” qəzetinin yaydığı məlumata görə, futbolçular qeyri-müəyyən müddətdə Kataloniyada keçirəcəkləri oyunlardan sonra stadionda duş qəbul edə bilməyəcəklər. Qərarı əyalətin hökuməti verib. Buna səbəb kimi Kataloniyada son 100 ildə ən güclü quraqlığın yaşanması göstərilir. Bunu nəzərə alan iqlim dəyişikliklərinə qarşı mübarizə naziri Devid Maskort idman salonlarında və stadionlarda duş alınmasını qadağan edib. Buna görə də bundan sonra “Barselona”nın futbolçuları oyundan sonra evlərində yuyunmalı olacaqlar. Bu qərarın növbəti həftədən qüvvəyə minəcəyi bildirilib.