“Indian Express” çox maraqlı xəbər yayıb.

Belə ki, “İnter Mayami”nin hücumçusu Lionel Messi və “Əl-Nəssr”in hücumçusu Kriştiano Ronaldo bu il “Google” vasitəsi ilə axtarılan ən populyar idmançıların “10-luğ”una düşməyib. Belə məlum olur ki, il ərzində adı axtarışa ən çox verilən idmançı MFL klublarından “Baffalo Bills”in müdafiəçisi Damar Hemlindi. PSJ-nin hücumçusu Kilian Mbappe 2-ci ən çox axtarılan idmançıdı. Üçüncü isə MFL klublarından “Kanzas-Siti Çifs”in oyunçusu Trevis Kelsi olub.

Halbuki 36 yaşlı Messi başa çatmaqda olan ildə karyerasında 8-ci dəfə “Qızıl top” qazanıb. Ronaldo isə cari mövsümdə “Əl-Nəssr”in heyətində bütün turnirlərdə keçirdiyi 22 oyunda 20 qol vurub, 10 məhsuldar ötürmə verib. O, bu ilin əvvəlindən Səudiyyə Ərəbistanının çempionatında çıxış edir.
“Google”da axtarış üzrə 2023-cü ilin ən populyar 10 idmançısının siyahısı:

1. Damar Hemlin (MFL)
2. Kilian Mbappe (futbol)
3. Trevis Kelsi (MFL)
4. Ca Morant (basketbol)
5. Harri Keyn (futbol)
6. Novak Cokoviç (tennis)
7. Karlos Alkaras (tennis)
8. Raçin Ravindra (kriket)
9. Şubman Gill (kriket)
10. Kayri İrvinq (basketbol)