AFFA prezidenti “Qarabağ”ı təbrik etdi

AFFA-nın prezidenti Rövnəq Abdullayev “Qarabağ”ı Avropa Liqasının pley-off mərhələsinə vəsiqə qazanması münasibət təbrik edib.

“Football-plus.az” xəbər verir ki, qurum rəsmisi klubun daha bir tarixi uğura imza atdığını bildirib:

"Ardıcıl 10 ildi ölkəmizi avrokuboklarda uğurla təmsil edən “Qarabağ” daha bir tarixi uğura imza atmaqla hamımızı sevindirdi. Təmsilçimiz Avropanın adlı-sanlı, köklü klublarını qabaqlamaqla ölkəmizi beynəlxalq arenada layiqincə təmsil edir. İnanıram ki, “Qarabağ”ın Avropanın ikinci nüfuzlu klub turnirinin pley-off mərhələsinə vəsiqə qazanması ölkə futbolunun gələcək inkişafına öz töhfəsini verəcək. “Qarabağ”ı Avropa Liqasının pley-off mərhələsinə vəsiqə qazanması münasibətilə futbolçularını, məşqçi və texniki heyətini, rəhbərliyini, azarkeşlərini, bu uğurda əməyi olan hər kəsi futbol ictimaiyyəti adından təbrik edirəm. Avropa Liqasının pley-off mərhələsində uğurlar arzulayıram".