Aleksander Çeferin UEFA-nın nizamnaməsində dəyişiklik etmək istəyir. Onun məqsədi president kürsüsündə daha uzun müddət qalmaqdı.

Bu barədə “Daily Mail” məlumat yayıb.

Böyük Britaniya qəzeti Çeferinin 2031-ci ilə qədər UEFA-nın prezidenti vəzifəsində qalmaq üçün nizamnaməyə əl gəzdirməyi planlaşdırır. Sloveniyalı funksioner və onun müttəfiqləri bu plan üzərində uzun müddət çalışıblar. “Daily Mail” onların dəyişiklikləri dekabrın 2-də keçirilən Avropa çempionatının püşkatma mərasimindən əvvəl İcraiyyə Komitəsinin (İK) iclasında rəsmən təklif etdiklərini yazıb. Hələ ki ictimaiyyətə açıqlanmayan təklif olunan düzəlişlərin UEFAnın gələn ilin fevralnda Parisdə keçiriləcək konqresində səsverməyə çıxarılacağı da bildirilib.

Qeyd edək ki, Çeferin 2016-cı ildən UEFA-nın prezidentidir. Onun səlahiyyət müddəti 2027-ci ildə başa çatmalıdı. Plana görə, onun ilk prezidentliyi qarşıdakı seçkidə namizədliyini yenidən irəli sürməsi üçün nəzərə alınmaya bilər. Məlumatda İK-nın son iclasında Çeferinin təklifinin “Mançester Yunayted”in icraçı direktoru Devid Gill tərəfindən mənfi qarşılandığı da bildirilib. İK-nın üzvü məlum təklifi “qeyri-demokratik” adlandırıb və onun futbolun maraqlarına cavab vermədiyini vurğulayıb.

Artıq UEFA da nizamnamədə mümkün dəyişiklik edilə biləcəyini təsdiqləyib. Qurumun hüquq komitəsinin bir sıra yeniliklər təklif etdiyi bildirilib.