Kişilərdən ibarət “Xarı Bülbül” voleybol komandasının oyunçusu Tural Həsənli Yunanıstandan vətənə dönəndə - dekabrın 1-də səhhətində ciddi problemlər yarandığından əməliyyat olunmuşdu.

Xatırladaq ki, buna səbəb daxili qanaxma və bağırsaq partlaması idi. Bildiyiniz kimi, Tural artıq xəstəxanadan evə buraxılıb. Voleybolçu ilə əlaqə saxladıq, sağlıq durumu ilə maraqlandıq.

- Müalicə necə gedir? Özünü necə hiss edirsən?
- Yaxşıyam. Müalicəm ev şəraitində davam edir.

- Həmin hadisəni necə xatırlayırsan?
- Komanda ilə birlikdə “Panatiakos”la cavab oyunundan sonra Yunanıstandan geri dönürdük. İstanbul-Bakı reysində halım daha da pisləşdi...

- Çətin vəziyyətdə yanında kimlər var idi? Kimlərin dəstəyini hiss etdin?
- Öncə Tanrıya, sonra isə həkim Mahmud Mahmudova dərin təşəkkürümü bildirirəm. O, 3 saatlıq əməliyyat edərək sağlıq durumumu bərpa etdi. Komandamdan hər kəs hər saniyə yanımda oldu. Hadisə baş verən zaman yanımda olmayan valdeynlərimə, əzizlərimə, məni tanıyan hər kəsə minnətdaram.

- Hacı Nuran sağlıq durumunuzla maraqlanıb?
- Xeyr.

- Həkimlərin proqnozu nədi? Nə vaxtdan məşqlərə qayıdacaqsan?
- Bunu düşünmək üçün öncə sağlam olmaq lazımdı. İndi bu barədə heç nə düşünmürəm.

GÜNAY SÜLEYMANOVA