11 oyunu cəmi 3955 azarkeş izləyib

Futbol üzrə ölkə kubokunda 2-ci təsnifat mərhələsi arxada qaldı. 11 cütün qalibləri adlarını 1/8 finala yazdırdılar. Növbəti mərhələdə artıq premyer-liqa və 1-ci liqa təmsilçilərinin duellərinə şahidlik edəcəyik.

Üç gün ərzində keçirilən 11 oyunda bəzi mənfi və müsbət məqamlara şahidlik etdik. Əvvəlcə müsbət məqamlara toxunaq. Futbol tariximizdə üçüncü dəfə ən azı 34 klub kubok uğrunda mübarizəyə qatıldı. Buna qədər 1993/94 və 2006/07 kubok mövsümlərində daha çox komanda iştirak edib. Bu mövsüm yarımpeşəkar olan 2-ci liqa təmsilçiləri premyer-liqa klubları ilə üz-üzə gələ bildi. Ən azı bu məqam onların peşəkarlaşmasına təkan verəcək. 2-ci təsnifat mərhələsinin 5 oyunu “CBC Sport”, 6-sı isə “AzPFL” “yutub” kanalı vasitəsi ilə canlı yayınlandı. Turniri təşkil edən qurumun bütün oyunları tamaşaçılara çatdırması alqışalayiq hal idi. Bir sözlə, iştirakçı sayı və turnirin təbliğatı baxımından hər şey yüksək səviyyədədi.

İndi isə mənfiliklır haqda. Kubok turnirləri üçün futbolun yazılmamış qanunlarından biri də sensasiya ehtimalıdı. Yəni istənilən ölkənin kubok turnirini zəifini güclünü məğlub etməklə sensasiya yaratması dəyərə mindirir. Təəssüf ki, Azərbaycan kubokunun 2-ci təsnifat mərhələsinin 11 oyunun heç birində sensasiya qeydə alınmadı. Elita klubları 2-ci liqa təmsilçililərinin hamısını darmadağını etdi. Yalnız “Baku Sportinq” sensasiyaya yaxın oldu. Amma “Kəpəz” toparlanaraq əlavə vaxtda mərhələni keçmək üçün lazım olan qolları vura bildi. Elə statusu, bir qədər də dəqiqləşdirsək, turnir cədvəlini yeri yüksək olan 1-ci liqa təmsilçiləri də aşağı pillərlərdə qərarlaşanları əzməkdə çətinlik çəkmədi. Bir sözlə, həm liqalararası uçurum dərindi, həm də konkret liqaların favoritləri autsayderlərə heç bir şans tanımır.

İkinci üzücü məqam azarkeşlərin kubok oyunlarına ciddi maraq göstərməməsidi. 11 oyunu ümumilikdə 4 minə yaxın adam stadiondan izləyib. Bir neçə oyunun protokolunda 20-25 rəqəminin göstərilməsi, sadəcə, biabırçılıqdı. Bunun da səbəbi bəzi 2-ci liqa təmsilçilərinin özlərinin stadionunun olmamasıdı. Onlar kubok matçlarını rəqib meydanında keçirdilər. Məsələn, “Araz-Naxçıvan”ın azarkeşləri də “Kür-Araz”a maraq göstərmədilər. Amma düşünək ki, “Lerik” “Sumqayıt”la matçı doğma meydanda keçirir. Əminliklə deyə bilərik ki, bu görüşü Lerikdə 1500-2000 azarkeş izləyərdi.

Bəlkə də PFL kubok oyunlarından istədiyi effekti ala bilmədi. Amma görünən budu ki, qurum inkişafdan yanadı. Ümid edək ki, heç olmasa, 1/8 finalda azarkeşlər oyunlara daha çox maraq göstəcək...