“Hazırda "Sabah" üçün yeni fanklub formalaşdırmağa çalışırıq”
"Sabah" - "Qarabağ" qarşılaşmasında "Davam" gənclər hərəkatı dəstəyi ilə diqqəti çəkdi. Hərəkat həm şəhərdən azarkeşləri toplamaq, həm də oyunda Masazır təmsilçisinə dəstək vermək ilə bağlı ortaya kreativ yanaşma qoydu. Bu işdə əsas təşkilatçı 19 yaşlı Emin Fətullayev idi.
Ondan gördüşü işlərlə bağlı fikir öyrəndik:
"Davam" gənclərinin üzvü olaraq, futbolumuzun inkişafında maraqlıyıq. Hazırda "Sabah" üçün yeni fanklub formalaşdırmağa çalışırıq. Məqsədimiz "bayquşlar"ın "Neftçi", "Qarabağ" kimi güclü azarkeş ordusunu formalaşdırmaqdı. Mən həm də "Sabah"ın əsas davulçusuyam. Hər oyunda bacardıqca komandaya dəstək verməyə və ətrafıma yeni-yeni adamlar toplayıb daha çox faydalı olmağa çalışıram".
ABDULLA İSMAYILOĞLU
Digər xəbərlər
