Ölkə kubokunda 2-ci təsnifat mərhələsinə yekun vurulub.

"Football-plus.az" xəbər verir ki, son olaraq daha iki qarşılaşma baş tutub.

"Şamaxı" səfərdə "Zaqatala"nı 1:0 hesabı ilə üstələyib. Komanda 1/8 finalda "Səbail"lə üz-üzə gələcək.

Digər görüşdə isə "İmişli" evdə "Mingəçevir"i eyni hesabla məğlubiyyətə uğradıb. 1-ci liqa təmsilçisi növbəti raundda "Qəbələ"yə rəqib olub.

30 noyabr

“Zaqatala” – “Şamaxı” 0:1
Emin Zamanov, 18.
Hakimlər: Fərid Hacıyev, Taleh Məmmədov, Qəzənfər Məmmədov, Mahmud Bağırzadə.
Hakim-inspektor: Əmrah İbrahimov.
AFFA nümayəndəsi: Erkin Hüseynov.
Zaqatala, Olimpiya İdman Kompleksinin stadionu. Saat 13.30.

“İmişli” – “Mingəçevir” 1:0
Həzrət İsayev, 87-p.
Hakimlər: Kamran Əliyev, Zöhrab Abbasov, Teymur Teymurov, Murad Səlimli.
Hakim-inspektor: Rəhim Həsənov.
AFFA nümayəndəsi: Seymur Səlimli.
İmişli, şəhər stadionu. Saat 13.30.

Qeyd edək ki, daha əvvəl "Karvan", "İrəvan", MOİK, "Səbail", "Turan Tovuz", "Qaradağ Lökbatan, "Kəpəz", "Araz-Naxçıvan" və "Sumqayıt" 1/8 finala vəsiqə qazanıb. 1/8 final cütləri belə formalaşıb:
"Səbail" - "Şamaxı"
“Zirə” - "Turan Tovuz"
"İrəvan" - "Araz-Naxçıvan"
"İmişli" - “Qəbələ”
"Sumqayıt" - "Karvan"
“Neftçi” - "Qaradağ Lökbatan"
"Kəpəz" - “Sabah”
“Qarabağ” - MOİK
Bu mərhələnin oyunları dekabrın 19-21-i aralığında keçiriləcək.