Pedro Nuno: "Oyundan oyuna inkişaf edirik"
Misli premyer-liqasının 14-cü turunda "Səbail" "Kəpəz"lə bacarmadı - 0:0.
Qarşılaşmadan sonra meydan sahiblərinin üzvü Pedro Nuno görüşlə bağlı fikirlərini "football-plus.az"a açıqladı:
"Çətin oyun oldu. Qələbə qazanmaq istəyirdik. Qol vurmaq üçün imkanlar yaratdıq. Lakin fərqlənə bilmədik. 1 xal qazandıq. Bu da yaxşıdı. Çünki mübarizə davam edir. Bu görüşdə 2-3 qol imkanından yararlana bilmədik. Hər oyun qol vurmaq istəyirəm. Əlimdən gələni edirəm. Amma alınmadı. Bəzən belə alınır. Yəqin ki, çox cəhd etmək lazımdı. Ümid edirəm ki, növbəti oyunlarda qol vura biləcəm".
Portuqaliyalı futbolçu 15-ci turda "Araz-Naxçıvan"la görüşdə qələbə qazanmaq istədiklərini bildirdi:
"Premyer-liqada maraqlı görüşlərin şahidi oluruq. Hər oyun çətin keçir. Çalışırıq ki, bütün qarşılaşmalarda qələbə qazanaq. Çox işləmək lazımdı. Hər oyuna ciddi hazırlaşmalıyıq. Bəli, təhlükəli epizodlar yaradırıq. Amma qalib gəlmək üçün qol vurmalıyıq. Oyundan oyuna inkişaf edirik. Keyfiyyətli komandamız var. Çalışacağıq ki, turnir cədvəlinin yüksək pillələrində qərarlaşaq".
İLKİN SULTANLI
Digər xəbərlər
