“Oyuna ciddi hazırlaşırıq. “Panatinaikos” bu turnirin son çempionudu. Məqsədimiz Bakıdakı matçda rəqibə ən çoxu bir set verərək qalib gəlməkdi. Çünki Azərbaycandakı nəticə həlledici ola bilər. Yunanıstanda oynamaq bir az çətin olacaq. Açıq danışım, mən və komandada olan legionerlər bu ölkəyə ilk dəfə səfər edəcəyik. Yaxşı nəticə ilə ora yollanmaq niyyətindəyik. Qorxmuruq, uşaqlara inanıram. Bundan əvvəlki mərhələdə “Spartak”ı keçəndən sonra demişdim ki, slovaklar yunanlardan bəzi məqamlarda üstündü. Məsələn, məğlub etdiyimiz komandanın heyəti oturuşmuş idi. Voleybol şablon oyundu. Ola bilər ki, sən qarşındakı üst səviyyədə təhlil edəsən, ancaq onlar oyun zamanı meydanda fərqli tərzdə çıxış edə bilərlər. Bu turnirdə oynayacağımız rəqiblə yanaşı, “Qalatasaray”, “Montsa” kimi güclü klublar var. Söz verə bilmərəm ki, bu mərhələni keçsək, kubokun qalibi ola bilərik. Ancaq Azərbaycanın, Şuşanın adı üçün əlimizdən gələni edəcəyik. İnamım var. Burdan azarkeşlərə səslənirəm. Çox şükür ki, bizim iki ev matçımızda da tribunalar dolu oldu. Voleybolsevərlərə demək istəyirəm ki, gəlib Dərnəgüldə yenidən bizə dəstək olsunlar. Onların yanımızda olması bizə böyük motivasiya verir”.

“Növbəti mərhələyə çıxmaq yolunda çətin rəqiblə qarşılaşacağıq. Onları analiz etmişik və “Spartak”la oyunlarına baxmışıq. Mərhələni keçdiklərinə görə təəccüblənmədim. Heyətlərindəki oyunçular yaxşıdı. İnanıram ki, qalib gələ biləcəyik”.