“Əvvəlcə onu deyim ki, işlərimizlə bağlı rayonlarda ezamiyyətdəydim. Ona görə "Şahdağ Qusar"la noyabrın 13-də keçiriləb oyunda cəmi 10-15 dəqiqə iştirak edə bildim. Amit Quluzadənin istefasına gəlincə, bu bizim üçün sürpriz oldu. Heç kim onun istefa verəcəyini gözləmirdi. Həmçinin onu da xüsusi vurğulayım ki, "Füzuli" camiəsində hamı Amitin xətir-hörmətini saxlayır. Şəxsən mən Amiti özümə kiçik qardaş bilir, övladlarım qədər sevirəm. Sözüm o ki, klub rəhbərliyinin baş məşqçini yola salmasından söhbət gedə bilməz. Biz onun xidmətində maraqlıydıq. Amma görünür, bəzi oyunlarda hesabda öndə olarkən hakim qərarlarına görə qələbədədən olmağımız Amitin bu qərarı verməsinə səbəb olub. Onu da başa düşürük, bəzən haqsızlıq görəndə əsəblər tarıma çəkilir. Buna rəğmən, Amit bizim üçün hələ də dəyərli insandı. Təbii ki, baş məşqçinin istefası ilə bağlı iclas keçirəcəyik. Vasif İsmayılovun qayıdışına gəlincə, o, dövlət orqanlarında və vergi ödəyicisi sistemində "Füzuli"nin həmtəsisçisi və icraçı direktorudu. Bunu kimsə dana və ya təkzib edə bilməz. Vasif müəllim özü çıxıb mətbuata açıqlama vermişdi ki, icraçı direktor vəzifəsindən gedirəm. Biz tərəfdən Vasif bəylə narazılıq olmayıb. Yaxınlarda onunla yenidən oturub söhbət etdik və yenidən komandaya qayıtmasına nail olduq. Vasif bəy futbolla nəfəs alan adamdı, onun komanda üçün etdiyi fədakarlıqlar da göz önündədi. Bir məsələni də xüsusi qeyd edim ki, "Füzuli"də fikir ayrılığı, narazılıq ola bilər. Amma bu fərqlilik kimlərinsə bir-biriylə qarşıdurması deyil, komandanın uğuru naminədi. Bizdə heç vaxt küsülülük, ayrı-seçkilik, münaqişə, düşmənçilik yoxdu. Nə qədər ki, mən bu klubun rəhbəriyəm, belə hallar da olmayacaq. Əvvəllər olduğu kimi, bundan sonra da bütün gücümüzü doğma komandamızın uğurları üçün səfərbər edəcəyik".

"Xatırlayırsızsa, "Füzuli"nin icraçı direktoru Vasif İsmayılov "facebook" sosial media hesabında tutduğu vəzifədən gedəcəyini açıqlamışdı. Lakin hələ də icraçı direktordu və rəsmi qaydada ayrılmadan söhbət gedə bilməz. Belə hadisə yaşanmayıb. Əslində o vaxt rəhbərlikdə təmsil olunan digər şəxslər üçün də onun ayrılması ilə bağlı informasiya həm qəribə, həm də sürpriz olmuşdu. Sonra bu məsələləri müzakirə elədik, danışdıq, yoluna qoyduq və Vasif bəy indi də vəzifəsinin başındadı. Yəni Vasif İsmayılov getməmişdi ki, harasa da yenidən qayıtsın. Baş məşqçimiz Amit Quluzadənin gedişinə gəlincə, o da klubdan ayrılmaq istədiyini bildirdi. Biz kollektiv olaraq, bu spontan qərara etiraz elədik, getməməsi üçün çalışdıq. Lakin o özü rəhbərliyə bunun səbəblərini açıqladı, israr etdi, bizə bundan sonra məlum qərara hörmət etmək düşər. Yəni hansısa ciddi səbəbin olduğunu güman etmirəm, tam şəxsi məsələlərlə bağlı bir qərardı. Çünki istər komanda, istər klub rəhbərliyi olaraq, Amit müəllimdən, onun işindən həmişə razı olmuşuq və getməsi, sözün düzü, hamımız üçün sürpriz oldu. "Füzuli"də hər şey qaydasındadır, öz axarındadı və qarşıya qoyulan hədəflərə köklənmişik. Ümumiyyətləə, kollektivdaxili məsələlərin mətbuatda danışılmasını, müzakirəsini doğru saymırıq. "Füzuli"dəki təcrübə dəyərli qardaşımız Amit Quluzadə üçün məşqçi karyerasında yaxşı əyani vəsait oldu və zərrəcə şübhə eləmirəm ki, o, istənilən başqa klubda ciddi uğurlara imza atacaq. Onda baş məşqçiyə xas bütün müsbət cəhətlər var. Amit Quluzadə yaxın gələcəkdə Azərbaycanın ən say-seçmə məşqçisinə çevriləcək. Ona məşqçi karyerasında uğurlar arzulayırıq".

"Əvvəllər dediyim yenidən təkrarlayıram. "Füzuli" mənim 4-cü övladımdı. Mən onu nə dana, nə də kəsib ata bilərəm. Harda olmağımdan asılı olmayaraq, bu komanda mənim parçamdı. Qayıdışıma gəlincə, bu barədə çox danışılacaq nəsə yoxdu. Klub prezidenti Rauf müəllim mənlə danışdı, xeyli müzakirə apardıq, komandaya qayıtmağımın vacibliyini vurğuladı. Mən də düşünəndən sonra yenidən doğma komandama icraçı direktor vəzifəsinə döndüm".

"Vasif İsmayılovla yolumuza davam edəcəyik. O, iki vəzifəni icra edəcək - "Füzuli"də icraçı direktor, "Çinar-Zəngilan"da isə idman direktoru olacaq".