“Football-plus.az” xəbər verir ki, matçdan sonra AFFA prezidenti Rövnəq Abdullayev jurnalistlərin suallarını cavablandırıb:
“Milli axır ki, bizləri, azarkeşləri sevindirdi. Bu, artıq bir dönüşdü. Çempionatımız çox maraqlı gedir. Lider, axırda qalan yoxdu. Bugünkü oyun da bunun nəticəsidi. Hamını təbrik edirəm”.
- Bu qələbədən sonra Canni De Byazinin baş məşqçi postunda qalması nə dərəcədə realdı?
- Hələ bu məsələ müzakirə olunmur. Bu, AFFA İcraiyyə Komitəsinin işidi. Qarşıda bir oyun var. De Byazinin fatihəsini verməkdənsə, ona uğurlar arzulayaq ki, komanda Belçikada yaxşı oyun göstərsin.
- Belçikadakı nəticə baş məşqçi üçün həlledici olacaq?
- Bəli. Hər şey ola bilər. Bu gün komandaya uğurlar arzulayaq ki, uşaqlar bu əhval-ruhiyyə ilə Belçikaya qarşı yaxşı mübarizə aparsın.
- Mart ayında yenidən AFFA -nın prezidenti vəzifəsində qalacaqsınız?
- Ona baxarıq.
