Dünən bəlkə də dünya futbol tarixində bir ilk yaşandı.

“Neftçi” futbolçusu üçün mətbuat konfransı keçirdi. “Ağ-qaralar”ın üzvü Rezuian Mirzov media mənsublarının önünə çıxdı. Klubun mətbuat katibi Emin Əfəndi bunu yenilik kimi təqdim etdi. O, durumu belə anlatdı:

Dünən rusiyalı futbolçu bu layihənin ilk qonağı oldu. Media mənsubları müxtəlif çətin suallarla vingeri sınağa çəkməyə çalışdı. Lakin Mirzov diplomatik cavablarla vəziyyətdən çıxa bildi.

Əslində bizim üçün də xoş durum idi. Çünki ölkənin ən köklü klubunun məşhur simasına ürəyimiz istəyən sualı verə bilirdik. Bunun yaxşı tərəfləri də var, pis də. Lakin belə durum “Neftçi”nin oyunçularının xoşuna gəlməyib. Komandanın futbolçuları tədbiri canlı izləyiblər. Onlar “Neftçi” TV-nin “Sumqayıt”la oyundan öncə hazırladığı video ilə bağlı sualın Mirzov tərəfindən cavablandırılmasına etiraz ediblər. Futbolçular düşünür ki, mətbuat xidməti bununla da özünü ictimaiyyətə “süddən çıxmış ad qaşıq” kimi təqdim etmək istəyib.

Yenə deyirik ki, bu yeniliyin həm yaxşı, həm də pis tərəfləri var. “Neftçi” belə addım ataraq futbolçulara verilən suallara nəzarət etmək istəyirsə, yanlış addım atır. Flaqman rəhbərliyi hər məğlubiyyətdən sonra hansısa futbolçunu ön plana verərək canını qurtarmaq istəyirsə, səhv addım atır. Yox, bu ideya “Neftçi”nin mətbuat xidmətinin ortaya normal iş ortaya qoymaq üçün düşündüyü fikirdisə, həmkarlarımızı təbrik etmək olar...

İLKİN SULTANLI