Qalan bütün liqalarda yeni futbol mövsümü start götürsə də, Region Liqasında hələ “sükut pozulmayıb”.

AFFA-nın Mətbuat və İctimaiyyətlə Əlaqələr Departamentinin rəhbəri Elnur Məmmədli bizə son açıqlamasında qeyd etmişdi ki, "texniki məsələlərə görə çempionatın startı yubanır, turnir noyabrın 11-12-də başlayacaq, çatdırmasalar, 18-19-da".

Amma görünən odu ki, bu həftə də turnir start götürməyəcək. Bunun səbəbləri ilə maraqlandıqda aydın oldu ki, problem Dövlət Gömrük Komitəsindən qaynaqlanır. Belə ki, yeni mövsümdə komandalar üçün sifariş olunan formalar gömrükdə ilişib qalıb. Yəni hələ bir neçə gün də gözləməliyik.

ABDULLA İSMAYILOĞLU