Həmçinin AFFA-nın hər oyun üçün klublara ayırdığı 300 manatın artacağı, 600 manata çatacağı yönündə də iddialar səslənməkdə idi. Dünən bütün bu məsələri AFFA-ın Mətbuat və İctimaiyyətlə Əlaqələr Departamentinin rəhbəri Elnur Məmmədli ilə dəqiqləşdirdik:
"AFFA Region Liqasının 2023/24-cü illər mövsümündə 39 komanda mübarizə aparacaq. Hər oyun üçün təyin olunan 300 manat da artırılmayıb”.
Elnur Məmmədli bizə iştirakçıların siyahısını da təqdim etdi.
Mərkəz zonası: Ərgünəş, Göyçay*, Hacıqabul*, Ağcabədi*, Araz (İmişli)*, İsmayıllı, Mil, Ümid (Saatlı)*.
Cənub zonası: Biləsuvar*, Ərkivan (Masallı), Lənkəran*, Masallı, Neftçala, Qobustan FK, Zəfər 44.
Şimal-Qərb və Qərb zonası: Ağstafa Gəncləri*, Balakən*, Bərdə*, Göyəzən, Qala (Goranboy)*, Qarxun (Yevlax)*, Şəki, VT Gəncə.
Paytaxt və Şimal zonası: Çinar Zəngilan, Cürət, Dirçəliş, Gənclər*, Gənclik, Hypers*, İCBFA, İrəvan, Lokomotiv, Mübariz, Ramana*, Record Club, Şimal (Xaçmaz)*, Şirvanovka, ŞKGB*, Xanlıq (Qubadlı)*.
Adından sonra * işarəsi qoyulanlar Region Liqasında ilk dəfə iştirak edəcək. Onu da nəzərinizə çatdıraq ki, turnirin püşkü oktyabrın 19-u, saat 15.00-da AFFA-da atılacaq.
ABDULLA İSMAYILOĞLU
