“Azərbaycana gözəl bir qələbə ilə qayıtmaq istəyirik” – dedi, amma edəcəkmi?
Qadın voleybolçulardan ibarət “Azərreyl” komandası Çağırış kubokunun 1/16 final mərhələsinin ilk oyunda Bakıda məğlub etdiyi (3:1) “Avarka de Menorka” ilə bu dəfə İspaniyada qarşılaşacaq.
Oyunla bağlı “dəmiryolçular”ın baş məşqçisi Cengiz Akarçeşmə fikirlərini “Football-plus.az” saytı ilə bölüşdü:
“Heyətimizdə heç bir problem yoxdu. Oyuna çox yaxşı hazırlaşmışıq. Azərbaycana gözəl bir qələbə ilə qayıtmaq istəyirik. İlk matçı unutmuşuq. İspaniyada hər şeyi sıfırdan başlayacağıq. Bütün planlarımızı növbəti mərhələyə keçmək üçün qurmuşuq. Hələ ki diqqətimizi “Menorka” ilə görüşə yönəltmişik. Başqa heç nə düşünmürük”.
Qeyd edək ki, bu oyun Bakı vaxtı ilə saat 23.00-da start götürəcək.
CAVİD ƏLİYEV
Digər xəbərlər
