Voleybol mövsümü bu vaxt start götürür

Noyabrın 6-da voleybol üzrə Azərbaycan çempionatında 2023/2024 illər mövsümünə start veriləcək.

"Football-plus.az" xəbər verir ki, "voleybol ili"nin açılış mərasimi noyabrın 6-da saat 15.45-də “Bakı İdman Sarayı”nda keçiriləcək. Ardınca mövsümün ilk matçı baş tutacaq. Bu qarşılaşma qadınlardan ibarət “Azərreyl" və “Abşeron” klubları arasında olacaq. Mərkəzi oyun olaraq müəyyənləşdirilən 5-ci turun bu görüşü saat 17.00-da başlayacaq.

Qeyd edək ki, yeni mövsümdə Azərbaycan çempionatlarında 6 qadın, 6 kişi komandası iştirak edəcək. Reqlamentə əsasən hər iki çempionat 4 dövrədən ibarət olacaq və oyunlar dairəvi sistem üzrə keçiriləcək. Dörd dövrədən sonra ilk 4 pilləni tutacaq komandalar play-off mərhələsinə yüksələcəklər. Play-off mərhələsində 2 oyun (əgər tərəflər hərəsi bir oyunda qalib gələrsə, setlər də bərabər olarsa qızıl set oynanılacaq), final və üçüncü yer uğrunda isə 1 oyun keçiriləcək.