“Klippers” və “Filadelfiya”, nəhayət, oyun qurucusu Ceyms Hardenin dəyiş-düyüşü ilə bağlı razılığa gəlib.

“Football-plus.az” xəbər verir ki, ESPN-in insayderi Edrian Voynarovskinin yaydığı məlumata görə, “Filadelfiya” 34 yaşlı ulduzun əvəzində Markus Morris, Robert Kovinqton, Nik Batum və Key Cey Martini ələ keçirəcək. Hardenlə birgə “Klippers”ə forvardlar Pi Cey Taker və Filip Petruşev yollanacaq.
Xatırladaq ki, Ceyms avqustda “Filadelfiya”nın prezidenti Deril Morini “yalançı” adlandırmış və heç vaxt onun təmsil etdiyi qurumun bir parçası olmayacağını bildirmişdi. Oktyabrın əvvəlində ulduz basketbolçunun müqavilə müddətini uzatmaq imkanından ancaq 2023/24 mövsümünün sonuna qədər yararlandığı xəbər verildi. Ardından MBA başqa komanda ilə dəyişdirilməyəcəyi təqdirdə müqavilə öhdəliklərini yerinə yetirməyəcəyini deyən Hardeni 100 min dollar cərimələdi.

Parket üzərində də maraqlı hadisələr baş verməkdədi. “Finiks”in forvardı Kevin Dürant “San-Antonio” ilə oyunda 26 xal topladı. 35 yaşlı amerikalı ulduz bununla da MBA tarixinə karyerası boyunca 27 min xal toplayan 12-ci oyunçu kimi düşdü. Bu göstəricidə liqanın rekordçusu “Leykers”in forvardı Lebron Ceymsdi (38470). Dürantın fevraldan bəri “Finiks”in formasını geydiyini, buna qədər isə “Bruklin”, “Qolden Steyt” və “Oklahoma-Siti”nin şərəfini qoruduğunu xatırladaq.

31 oktyabr
Vaşinqton – Boston 107:126 (19:42, 32:35, 24:31, 32:18)
İndiana – Çikaqo 105:112 (30:27, 25:26, 28:25, 22:34)
Şarlott – Bruklin 121:133 (23:42, 32:24, 28:33, 38:34
Atlanta – Minnesota 127:113 (35:42, 25:37, 38:19, 29:15)
Toronto – Portlend 91:99 (25:21, 25:26, 24:33, 17:19)
Memfis – Dallas 110:125 (36:30, 25:37, 25:30, 24:28)
Miluoki – Mayami 122:114 (28:28, 34:24, 35:21, 25:41)
Nyu-Orlean – Qolden Steyt 102:130 (27:29, 30:30, 21:39, 24:32)
Oklahoma-Siti – Detroyt 124:112 (33:21, 26:26, 32:32, 33:33)
Denver – Yuta 110:102 (31:21, 27:24, 22:24, 30:33)
Leykers – Orlando 106:103 (29:24, 25:34, 27:22, 25:23)
1 noyabr
Klivlend – Nyu-York 91:109 (24:28, 28:30, 16:28, 23:23)
Finiks – San-Antonio 114:115 (27:18, 36:27, 32:37, 19:33)
Klippers – Orlando 118:102 (13:18, 34:32, 41:21, 30:31)