"Haqqımda istefa ilə bağlı deyilən, tirajlanan yazıların hamısı cəfəngiyyatdı. Heç bir istefadan söhbət gedə bilməz. Sadəcə, səhhətimlə bağlı problemlər yaranıb. 2-ci turdan sonra gözümdə problemlər yarandı. Bunu Asəf müəllim də gördü. Dedi ki, bizim üçün əsas sizin sağlığınızdı. Sağ olsunlar, müalicəm üçün şərait yaratdılar. Qısası, 40 gündü müalicədəyəm, 4 turdu komandayla birgə deyiləm. Buna rəğmən, ürəyim "Difai Ağsu"nun yanındadı. Mən əvəz edən Elgiz Kərəmli gənc, enerjili məşqçidi. Ona gələn gündən uğurlar arzulamışam. İnanıram ki, komanda toparlanacaq. Səhhətim yaxşılaşandan sonra yenidən kluba qayıdacam və icraçı direktor vəzifəsində işə davam edəcəm. Asəf müəllimlə danışığımız da belə olub".

"Biz məsələnin rəsmi tərəfinə baxırıq. Bildirmək istərdik ki, Paşa Əliyevin adı komandanın 6-cı və bu gün keçiriləcək 7-ci turun oyunları üçün sifariş olunmayıb, oyuna komandanı köməkçi məşqçilər çıxarıb. Klubdan isə bizə bu günə qədər Paşa Əliyevlə bağlı hansısa müraciət daxil olmayıb".