Tanınmış jurnalist "Ağsu Difai"də çıxış edən alman əsilli azərbaycanlı haqda danışdı
Oktyabrın 10-da saytımızda "Maksimilian Şilder hara, Ağsu hara?!" başlıqlı yazı getmişdi.
Məqalədə alman ad-soyadlı futbolçunun Azərbaycan vətəndaşı olmasından bəhs edilmişdi. Hətta "Ağsu Difai"nin prezidenti Asəf Məlikov oyunçularl haqda bu fikirləri səsləndirmişdi:
"Maksimillian Şilder Şirvanda dünyaya gəlib və orda böyüyüb. Atası, babası da Azərbaycan doğumludu. Futbolçu ölkəmizdə yaşamış alman kökənli nəsildəndi. Odu ki, futbolçumuz alman əsilli azərbaycanlıdı və Azərbaycan vətəndaşıdı".
Futbolçu ilə bağlı redaksiyamıza daha bir müraciət daxil olub. İdman jurnalisti, "525" qəzetinin əməkdaşı İlqar Tağıyev saytımızda gedən yazı ilə bağlı danışmaq istədi. Mətbuat Şurasının üzvü Maksimillian Şilderə aid maraqlı məlumatları "football-plus.az"a açıqladı:
"O uşaq 2013-cü ildə mənim övladlarım Məhəmməd və Əli ilə birgə "İnter"də çıxış edib. "Sabah"da çıxış edən Seymur Məmmədov, bundan əlavə hazırda "İrəvan"da top qovan Vüsal Qənbərov "bankirlər"in akademiyasında oynayırdı. Maksimillian da komandanın qapıçısı idi. Onun anası Şirvandandı. Anasının adı Mətanətdi. Bakıda yaşayan Almaniya vətəndaşı ilə ailə həyatı qurub. Atası "Mercedes"in Bakı nümayəndəliyində çalışırdı. Maksimillian indi "Ağsu Difai"də çıxış edir. Çox tərbiyyəli və sakit uşaq idi. Fikrimcə, ehtiyatda qalmağa layiq deyil. Bir sözlə, onun Azərbaycan vətəndaşı olmasında hansısa problem yoxdu".
İLKİN SULTANLI
Digər xəbərlər
