“Balta”nı dayandırdı, “Menorka”dan çəkinir: “İspaniya təmsilçisi sərt rəqibdi”
"Azərreyl" Çağırış kubokunun 1/32 finalında Ukrayna təmsilçisi "Balta"ya qalib gələrək növbəti mərhələyə vəsiqə qazandı.
Bu oyunlarda möhtəşəm çıxışla seçilənlərdən biri də "dəmiryolçular"ın xorvatiyalı ulduzu Katarina Pilepiç idi. 29 yaşlı hücumçu "Football-plus.az"a eksklüziv açıqlama verdi:
"Çağırış kubokunun növbəti mərhələsinə vəsiqə qazandığımız üçün xoşbəxt və həyəcanlıyıq. Kollektivimiz meydanda keyfiyyətli mübarizə apardı. Hər iki qarşılaşmada çoxlu azarkeşin olması xoş idi. Atmosfer heyrətamiz idi. Bu, bizim qələbəmizə kömək etdi".
Təcrübəli voleybolçu 1/16 finalda qarşılaşacaqları İspaniya təmsilçisi "Menorka" haqda da fikirlərini bildirdi:
"İspaniya təmsilçisi sərt rəqibdi. Yaxşı rəqabət və oyun gözləyirik. Bu matça hazırlaşmaq üçün vaxtımız var".
Pilepiç komandasının hədəfləri barədə bunları dedi:
"Biz komanda kimi inkişaf etmək, yüksək səviyyəli voleybol oynamaq və mümkün qədər irəliləmək istəyirik. Arzum odu ki, "Azərreyl"lə kuboklar qazanım".
CAVİD ƏLİYEV
Digər xəbərlər
