Nəhayət, Renat da özünə klub tapdı - RƏSMİ

Renat Dadaşovun yeni klubu bəlli olub.

"Football-plus.az" xəbər verir ki, 27 yaşlı futbolçu “Bukovina”ya keçib. Bu barədə Ukrayna klubunun mətbuat xidməti məlumat yayıb. Dadaşovla "1+1" illik müqavilə imzalanıb.

Son olaraq Polşa "Motor"unda çıxış edən Renat karyerası ərzində Portuqaliyanın “Eştoril”, “Pasuş de Ferreyra”, “Tondela”, İsveçrənin “Qrasşopper”, İngiltərənin “Vulverhempton”, Türkiyənin “Hatayspor” və “Ankaragücü” klublarında da oynayıb.