"Fanklub olaraq, söyüşə qarşı çıxmağı məqsəd qoymuşuq"
"Kəpəz" - "Zirə" oyunu başlamamış tovuzlu ağsaqqallar gəncəli azarkeşlərə yaxınlaşaraq "xoş gəlmisiz, amma oyun ərzində söyüş-filan söyməyin", - deyə çağırış etdilər. Lakin matç ərzində hakim "sarı-göylər"in əleyhinə qərarlar verəndə gəncəli fanatlar söydülər. Bu vaxt tovuzlu ağsaqqallardan biri "ay bala, sizinlə söz danışdıq axı", - deyə əsəbləşdi.
Bu çağırışla bağlı "Xəmsə" azarkeş qrupunun rəhbəri Müşfiq Məmmədovun fikrini öyrəndik:
"Fanklub olaraq, söyüşə qarşı çıxmağı məqsəd qoymuşuq, söyüşsüz davam edirik. Tovuza təkcə bizim qrup yox, fərdi şəkildə gələn azarkeşlər də olub. Onlar fanklubumuzun üzvü deyil. Ola bilsin, ağsaqqal, sadəcə, tədbirli davranıb və həmin fərdi şəkildə gələn fanatlara çağırış edib".
ABDULLA İSMAYILOĞLU
Digər xəbərlər
